iPhone 11 可能有得炒版主猜测有这可能性!网友齐来讨论下!

2021-02-26 07:48:21

今晚凌晨一时正,Apple 就正式发表 iPhone 11 系列新机,按照传闻消息指出,将会有三部新机,分别为 iPhone 11、iPhone 11 Pro 以及 iPhone 11 Pro Max,以取代现有的 iPhone XR、iPhone XS 以及 iPhone XS Max。而每年出新 iPhone,其中一个重大的意义,就係有无得炒!事实上,iPhone 有得炒呢枝歌仔,早在一两年前已经无,就算有得执都係一百几十,今年情况会唔会有唔同呢?我哋一齐讨论下!




以前 iPhone 点解会有得炒?果阵时 iPhone 仲有点特色,都係其次,最主要係大陆无首卖,大陆人要买 iPhone,就要落嚟买,咁自自然然会形成有「炒价」的现象,好合理。但近呢几年都有首卖,而且大把货,货无大陆人接,又边仲有得炒呢?所以呢几年炒情都相当惨淡,好多时都出现「日全蚀」现象,亦即是说开卖第一日,回收价已经跌穿建议零售价。

今年情况会唔会不一样呢?虽然问过好多深水埗、先达店舖,大家似乎都唔係太睇好 iPhone 11 系列会有得炒,但版主有谂过,会唔会存在着一种可能性,就係今年中美贸易战斗得咁劲,会唔会 Trump Trump 又玩嘢,突然命令 Apple 唔畀参与今年的首卖?会唔会有咁嘅可能性,你当版主吹下水咁讲,但唔可以话完全无呢个可能性,呢个 moment 亦真係无人知会唔会突然玩嘢,要到发布会完后,等 Apple 自己公布。但假如抽起无首卖,又有机会会令 iPhone 炒情死灰复燃!想知结果,就要留意今晚的发布会,或者听日起身睇版主文章喇!

欢迎 Follow 我哋 ePriceHK Telegram Channel,收取最新手机、科技及每日优惠资讯。
立即 Click 入:  ePriceHK Telegram 产品优惠科技资讯频道
https://telegram.me/ePriceHK
Click 入有关 ePrice.com.hk 嘅 Telegram 频道介绍

郑重声明:本文版权归原作者所有,转载文章仅为传播更多信息之目的,如作者信息标记有误,请第一时间联系我们修改或删除,多谢。