免实名,查唔到金主!八达通推 O!ePay mastercard 卡

2021-05-13 17:51:44

八达通会係其电子钱包 O!ePay 新增虚拟 Mastercard 都讲咗好耐,今日 11/3 正式推出!电子钱包内有 mastercard ,对于人来讲,唔算新鲜事。咁呢张卡最大优点係乜:就係不用实名,都可以用嘅 mastercard 储值预付卡!讲究私隐嘅网友,想用信用卡网上买嘢,又唔想有权贵 Check 到,呢张卡帮到你!另外,HKT Payment 嘅 Tap N Go 早几年已做。今次八达通用番同一招,有乜着数?版主话你知。



  简单一句:除咗唔驶实名,O!ePay 虚拟 Mastercard 跟  Tap N Go 无大分别,技术与配套来讲,o!ePay 配套差过 Tap N Go。
001:要开 O!ePay 虚拟 Mastercard,好简单,App 里头大大个 mastercard logo,按入就会申请得到,之后,你会有一个 mastercard 号码,仲有安全码。

002:O!ePay 虚拟 Mastercard 是可以不用实名,因为 O! ePay 人门版 O!ePay Lite 都可以申请到,O! ePay Lite 只要电邮地址及手机号码都申请得到,事但一个 gmail、一张太空卡搅掂。只係每年可用额会比较少,O!ePay Lite 开通嘅虚拟 Mastercard,每年最多只可有 HK$8000 消费额;而 O!ePay Plus (用身份证实名)级别嘅虚拟 Mastercard ,每年最多有 HK$100,000 消费额; O!ePay Pro (「八达通自动增值」服务用户或个人八达通持卡人或渣打银行存款户口客户)级别嘅虚拟 Mastercard ,每年最多有 HK$1,000,000 消费额。

003: O!ePay 虚拟 Mastercard,跟 Tap N Go 一样,是预付卡,要你嘅 O!ePay 户口有钱先可以用得到。

004:跟 Tap N Go 一样,O!ePay 都加入了「转数快」,係 O!ePay 实咗名,你可以好方便转钱入去,想知有几方便,版主有文章讲过,可按呢度。。

005:O!ePay 与 Tap N Go 嘅 Mastercard 都享用到 mastercard 本身嘅安全系统,例如 Mastercard seurce code,一样可以设定最高付款额,一样可以把 mastercard 功能开与关,就算不幸有人知道你嘅 mastercard 号码,只要係手机 off 左佢就 OK。

006:跟 Tap N Go 嘅 Mastercard 预付卡,有乜唔同。O!ePay 虚拟 Mastercard 係无实体卡 Option,你只可以用佢係网上世界买嘢。另外,呢张卡不似得 Tap N Go 可以挂上 Apple Pay 与 Google Pay。係呢部份,真係落后于人。
  咁有乜优惠? 001: 即日至 12 月 31 日,外币交易无 FX Mark Up,即係乜?用 mastercard 用外币畀钱,本来有手续费,加阵帮你 Wavie 左,去海外 Online 先最抵!

002: 即日至 6 月 30 日,首二万名客户累积消费额满 $200 或以上,有 $50 回赠。


▲ o! ePay Mastercard 是可以 On 与 off 吧。因为版主嘅 O!ePay 实咗名,每次可买 $6000 蚊嘢,但若果唔实名,每次最多买 $3000 嘢。



▲ 你都可以调控每次最多畀几多钱



▲ Sorry! 呢张 mastecard 加唔到去 Apple Pay! 可惜。
 

郑重声明:本文版权归原作者所有,转载文章仅为传播更多信息之目的,如作者信息标记有误,请第一时间联系我们修改或删除,多谢。